الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 تقبرنـــي إبن عمــــــي

اذهب الى الأسفل 
كاتب الموضوعرسالة
Nadosh
من كبار الحارة
من كبار الحارة
avatar

انثى
عدد الرسائل : 92
العمر : 32
انت من وين : شامية
متزوج و لا لأ : unmarried
شو بتشتغل : طالبة
تاريخ التسجيل : 09/04/2007

مُساهمةموضوع: تقبرنـــي إبن عمــــــي   2007-05-14, 19:26

بالأمس ,,,,,,,,, اليوم
إليكم هذا الحوار بين (امرأة أيام زمان وزوجها)
الزوج: - مرحبا يامرة... شو عاملتينا عشا اليوم؟
الزوجة: - يه يه يه... تقبر عضامي... إجيت حبيبي؟!! تقبرني شو
حركتك خفيفة ومابتزعج حدا...

لك حلّت البركة على أرض الديار يا روحي...

طابختلك حرّه بأصابعو ويالنجي وكبة لبنية تقبشني...
الزوج: - يا الله يالله بلا كتر غلبة، قومي حطي الأكل قومي..
الزوجة: - لك إي مو تكرم ابن عمي... مو تكرم... لك من هالعين هَي
قبل هَي...
الزوج: - ناموا الولاد؟
الزوجة من المطبخ: - ناموا حبيبي ناموا على عشية،
وحميتلّك الحمام يا عمري...
الزوج بعد أن يرى أصناف المائدة أمامه:
إيييييييييييييييييييييييه... باين السهرة رح تحلى اليوم... يمضغ
اللقمة
الأولى ويقول: - ممممممممممممم طيبة هالكبة طيبة!!! الزوجة رافعة يدييها للسماء: - لك روح... ربي مولايي يبيضلك
أيامك...
ويبعد عنك ولادين الحرام يا حق..
ينهي الزوج طعامه قائلاً: - الحمد لله...
الزوجة: - عجبك الأكل يا عمري...
الزوج: - إي والله... تسلم إيديكي... تعبتك معي..
الزوجة مرتبكة من الفرح: - عجبك الأكل؟؟!... لك تطلع على قبري شو إنّك هني وبتعرف تحكي... لك تكفنّي بإيديك على هالكلام الحلو يا حق.. بكرةبدي اعملّك حمام محشي وبطاطا بالفرن إي بدك تاكل أصابيعك وراهن...

بعدين شو تعبتني وما تعبتني؟!...

ليش أنا عندي غيرك بالدنيا يا حبيبي؟!!، لك تشكل آسي يا
حق...
الزوج وهو ينشّف يديه بعد غسلها: - جاهز الحمام يا مرة ؟؟
الزوجة: - ولَو تقبشني... ولَو!!!
وحطيطيلك صابونة غار من يللي جابتهم أمك تقبرني...





وإليكم هذا الحوار بين (امرأة اليوم وزوجها(
الزوج: - مرحبا يا حلوة... شو عاملتينا عشا اليوم؟
الزوجة ملتفتة إليه وبيدها جريدة: - شو إيمتى جيت؟؟ مبكّر مو على عادتك يعني...

على كلٍ عملتلك مجدرة برغل وعدس... شو بدي اطبخلك يعني ومبارح أكلت لحمة بالصينية؟؟...
الزوج: - يا الله تقبشيني، قومي حطيلنا الأكل لناكل..
الزوجة: - ليكو الأكل عندك بالمطبخ... وين بدو يروح يعني؟؟!!
كمان بدي جبلك الأكل لحد عندك؟!
الزوج باتجاهه إلى المطبخ: - ناموا الولاد على حد علمك؟

الزوجة: إي شو نيّمهم هلأ وبكرة عندن عطلة؟؟؟ ...

الزوج يحدث نفسه من المطبخ: العمى شو هالمجدرة؟؟!!!!!...

يمضغ اللقمة الأولى ويقول: - إي والله كأني عم آكل بحص مو
برغل!!!

الزوجة: - شو عم تبَروِت يا رجال؟؟

ينهي الزوج طعامه قائلاً: آ...؟؟ مو شي حبيبتي... موشي...
الزوجة: - عجبك الأكل؟

وجة...الزوج بإحباط: - إي طبعاً طبعاً... تسلم إيديكي...
الزوجة بتأفف: - معناها كل يوم بعملك منها إذا حبيت...
الزوج وهو ينشّف يديه: جاهز الحمام يا ترى؟؟
الزوجة ترمي الجريدة أرضاً صارخة في وجهه: - العمى على
هالقصة... طبختِ يامرة؟... ناموا الولاد يامرة؟...جاهز الحمام يا
مرة؟... إي شو أنا ما عندي شغل غيرك يا رجال


_________________

بكيت قائلة الحزن يسكن روحي..وسألته ماذا أفعل؟؟قال :إكتبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.damascus.1talk.net
رنوشة
قبضاي
قبضاي
avatar

انثى
عدد الرسائل : 50
العمر : 31
انت من وين : سوريا
متزوج و لا لأ : ما دخلكون :)
شو بتشتغل : ما دخلكون
تاريخ التسجيل : 08/04/2007

مُساهمةموضوع: رد: تقبرنـــي إبن عمــــــي   2007-05-16, 18:31

و الله حلوة كتير كتير كتير


يسلم ايديكي يا ورررررررردة

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Nadosh
من كبار الحارة
من كبار الحارة
avatar

انثى
عدد الرسائل : 92
العمر : 32
انت من وين : شامية
متزوج و لا لأ : unmarried
شو بتشتغل : طالبة
تاريخ التسجيل : 09/04/2007

مُساهمةموضوع: رد: تقبرنـــي إبن عمــــــي   2007-05-16, 19:50

تسلميلي حبيبتي والله يحلي أيامك يارب

_________________

بكيت قائلة الحزن يسكن روحي..وسألته ماذا أفعل؟؟قال :إكتبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.damascus.1talk.net
 
تقبرنـــي إبن عمــــــي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دمشق ... روحي :: الخان الشامي :: سوريا يا حبيبتي-
انتقل الى: